Ermənilər Xocalıda ekokənd yaradırlar

Qarabağ separatçıları Azərbaycanın işğal altındakı torpaqlarında ekokənd yaratmaq niyyətindədirlər.

ANN.Az Modern.az-a istinadən xəbər verir ki, Qarabağa səfər edən erməni əsilli rusiyalı biznesmen Ruben Vardanyan Xocalının Təzəbinə kəndində turizmi inkişaf etdirmək üçün ekokənd yaratmaq niyyətində olduğunu deyib. O, bunun üçün tələb olunan bütün maliyyə xərclərini öz üzərinə götürəcəyini bəyan edib. Vardanyan ekokənd yaratmaqla xarici, ilk növbədə rusiyalı turistlərin Dağlıq Qarabağa kütləvi axınını təmin etmək niyyətində olduğunu da deyib.

Ermənilərin Noraqyux adlandırdıqları Təzəbinə kəndi Azərbaycanın işğal altındakı Xocalı rayonunun inzibati ərazisidir.

ANN.Az