2014-cü ildə həlak olan jurnalistlərin sayı açıqlandı

Mərkəzi qərargahı ABŞ-da yerləşən Jurnalistləri Müdafiə Komitəsi dekabrın 23-də 2014-cü il ərzində həlak olmuş jurnalistlərlə bağlı hesabat yayıb.

ANN.Az "Media forum”a istinadən xəbər verir ki, təşkilat bu il dünyada peşə borcunu yerinə yetirən zaman 60 jurnalistin həlak olduğunu bəyan edib. Daha 18 jurnalistin ölümünün onların peşə fəaliyyəti ilə bağlı olub-olmadığı araşdırılır.

Məruzədə jurnalistlər üçün ən təhlükəli ölkənin Suriya (ən azı 17 jurnalist həlak olub) olduğu bildirilir. Ukraynada bu il 7 media nümayəndəsi həlak olub.

ANN.Az