Ölən şəxslərlə selfie çəkdirən tibb bacısı işdən qovuldu - FOTO

Rusiyanın Kirov şəhərində ölmək üzrə olan xəstələrin başında dayanıb çirkin əl işarələri göstərərək selfie çəkdirən və daha sonra həmin fotoları internetdə yayımlayan tibb bacısı işindən qovulub.

ANN.Az xarici ölkə mediasına istinadən xəbər verir ki, 25 yaşlı Tatyana Kulikova təcili tibbi yardım xidmətində tibb bacısı kimi işləyir. O, hər dəfə ölmək üzrə olan xəstənin başı üzərində dayanaraq çirkin əl işarəsi göstərərmiş və selfie çəkdirərək "İşimə nifrət edirəm" deyirmiş.

Kirov bələdiyyəsi görüntülərin ortaya çıxmasından sonra heç bir şey olmamış öz işini davam etməsinə icazə verib. Amma mətbuat və vətəndaş cəmiyyəti üzvləri buna etiraz etdikdən sonra tibb bacısı işindən qovulub.

ANN.Az