Putin atom sualtı qayıqlarını döyüş vəziyyətinə gətirdi

RF prezidenti əmr verib.

Rusiya Federasiyası (RF) Silahlı Qüvvələrinin Ali Baş komandanı Vladimir Putin bazar ertəsi yerli vaxtla saat 08:00-dan etibarən Şimal donanması və Qərb hərbi dairəsinin ayrı-ayrı bölmələri, Hava-Desant Qoşunlarının bölmələrinin aparılan qəfil yoxlama çərçivəsində tam döyüş vəziyyətinə gətirilməsi əmrini verib.

Oxu.Az xəbər verir ki, bu barədə məlumatı Rusiyanın müdafiə naziri Sergey Şoyqu Moskvada Milli müdafiə idarəetməsi mərkəzində bəyan edib.

Qəfil yoxlamaya 38 min hərbçi, 3,36 min hərbi texnika, 41 gəmi, 15 sualtı qayıq, 110 təyyarə və helikopter cəlb olunub, Şoyqu bildirib

Eyni zamanda Silahlı Qüvvələr növlərinin ali baş komandanları, qoşun növləri komandanları, Müdafiə Nazirliyinin əsas və mərkəzi idarələrinin rəislərinə direktiv göstərişlərinin olduğu zərflər verilib.

Öz növbəmizdə qeyd edək ki, Rusiya Şimal donanmasının əsasını atom raket və torpeda sualtı qayıqları, raket daşıyan və qayıq əleyhinə aviasiya, raket, aviadaşıyıcı və qayıq əleyhinə gəmilər daxildir.