“Facebook”dan gözlənilən yenilik

ANS PRESS-in məlumatına görə, dünyanın populyar sosial şəbəkə nəhəngi olan "Facebook” istifadəçilərinin işini daha da asanlaşdırıb. 

Belə ki, bundan əvvəl şəkil və video paylaşımları mümkün olsa da, GIF formatlı məzmunları yayımlamaq imkanı yox idi. Uzun müddətdir gözlənilən bu xüsusiyyət istifadəçilərin əksəriyyətinin ürəyincə olub. 

Artıq istifadəçilərin paylaşdığı hərəkətli GIF şəkillər olduğu kimi görünəcək. 

Qeyd edək ki, media nəhəngi olan 2004-cü ildən bəri fəaliyyət göstərən "Facebook" şəbəkəsi virtual aləmin ən öndə gedən sayt və proqramlarını satın alaraq, bir növ öz rəqiblərini azaltmaqla yanaşı, istifadəçilərinin sayının daha da artırması yollarını aramaqdadır.