Azərbaycanda tibb elmləri üzrə fəlsəfə doktoru koronavirusa yoluxub.

"Tibbi sığorta sahəsində çalışır. Çox tanınmış bir həkimdir. Hərdən görüşürük, amma əsasən telefonla hal-əhval tuturuq. Koronavirus epidemiyası başlayandan o da xəstələrin müalicəsində iştirak edib. Bu gün zəng etdim və məlum oldu ki, koronaviruslu xəstələrin müalicəsində yaxından iştirak edərkən özü də bu virusa yoluxub. Həkimlər koronaviruslu xəstələrlə məşğul olarkən qoruyucu geyimlərdən istifadə edir. Amma dostum deyir ki, yəqin haradasa ehtiyatsızlıq edib. Artıq 3 gündür müalicə alır. Vəziyyəti ağır deyil. Hazırda regionlardan birində koronaviruslu xəstələrin müalicə aldığı klinikadadır. Şübhəm yoxdur ki, dostumuz da tezliklə sağalacaq və koronavirusdan əziyyət çəkən xəstələrin müalicəsində iştirak edəcək".

Millət vəkili koronavirusla mübarizədə həkimlərin fədakarcasına davrandığını söyləyib:

‌"Bildiyim qədərilə Azərbaycanda koronavirusun müalicəsi ilə məşğul olan başqa həkim və tibb işçiləri də koronavirusa yoluxub. Koronavirusla mübarizədə birbaşa ön cəbhədə olan insanlarımız həyatlarını təhlükə altına atırlar. Bunu açıqlamaqda məqsədim insanları bir daha koronavirusdan qorunmağa çağırmaq və həkimlərin fədakarlığını diqqət çəkməkdir".