16-18 oktyabr tarixlərindən Bakıda "Excelsior Hotel Baku”da "Baku Fashion Night 2015" tədbiri baş tutdu. 

Layihənin ilk günündə türk dizayner Aslı Ceksonun kolleksiyası nümayiş etdirildi. Sonra ukraynalı dizayner Veronika Veronun "Vermichelle” brendindən olan işləri təqdim edildi. 

Mərasimin ikinci günü yerli modelyerlərə həsr olunmuşdu. Azərbaycanın əməkdar incəsənət xadimi Fəxriyyə Xələfovanın, dizayner Günay Quliyevanın, Güləbatın Əsgərovanın işləri sərgiləndi. 

Layihənin üçüncü günü isə ispan dizayneri Jordi Dalmau öz işlərini təqdim etdi. 

"Baku Fashion Night" ildə iki dəfə - yaz-yay və payız-qış mövsümündə baş tutur. Mərasimin təşkilatçısı isə "FMS Models" moda agentliyidir.