Büdcədənkənar fondların hüquqi şəxs olmasına dair tələb ləğv olunub
24.12.2021 13:53
Azərbaycan parlamenti büdcədənkənar fondların hüquqi şəxs olmasına dair tələbi ləğv edib.
www.anews.az
Milli Məclisin bu gün keçirilən iclasında III oxunuşda müzakirəyə çıxarılan "Büdcə sistemi haqqında” qanuna təklif olunan dəyişikliklərdə öz əksini tapıb.
Müvafiq qanun layihəsinə münasibət bildirən Hesablama Palatası bəyan edib ki, ölkədaxili qanunvericilik büdcədənkənar fondun hüquqi şəxs olmadan yaradılmasını "Büdcə sistemi haqqında” qanunla yanaşı Mülki Məcəllə ilə də məhdudlaşdırır.Qanunun redaksiya edilməsi halında yeganə məhdudiyyət Mülki Məcəllə olaraq qalır ki, maliyyə-büdcə sahəsinin ümumi, Mülki Məcəllənin isə xüsusi hüquq sferası olduğu əsas gətirilməklə bu məhdudiyyətin praktiki olaraq aradan qaldırılması mümkündür. Eyni zamanda, mövcud təcrübədə İşsizlikdən sığorta fondu hüquqi şəxs olmasa da, büdcədənkənar fond olaraq qəbul edilir.
Qanuna dəyişiklik layihəsi III oxunuşda qəbul edilib.
www.anews.az
Facebook
Bizi Facebookda izləyin
Foto
Video
