Azərbaycanda koronavirusa 77 yeni yoluxma qeydə alınıb, 4 nəfər vəfat edib

Azərbaycanda son sutkada koronavirus (COVID-19) infeksiyasına 77 yeni yoluxma faktı qeydə alınıb, 98 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 4 nəfər vəfat edib.

İndiyədək ölkədə ümumilikdə 827 377 nəfərin koronavirus infeksiyasına yoluxması faktı müəyyən edilib, onlardan 816 861 nəfər müalicə olunaraq sağalıb, hazırda 467 aktiv xəstə var. Bu günə qədər 10 049 nəfər vəfat edib.