Azərbaycanda ilk dəfə məhkəmə arxeologiyası mövzusunda beynəlxalq konfrans keçiriləcək

May ayının 23-24-ü tarixlərində Əsir və İtkin Düşmüş, Girov Götürülmüş Vətəndaşlarla əlaqədar Dövlət Komissiyası, Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutu və Beynəlxalq Qızıl Xaç Komitəsinin (BQXK) birgə təşkilatçılığı ilə "Məhkəmə arxeologiyası və məhkəmə antropologiyası: Humanitar tətbiqlər” mövzusunda ilk beynəlxalq konfrans keçiriləcək.

Bu barədə AMEA-dan məlumat verilib.

Elmi konfransın məqsədi məhkəmə arxeologiyası və məhkəmə antropologiyası sahələrində çalışan Amerika Birləşmiş Ştatları, Argentina, Bosniya və Hersoqovina, İsveçrə, Kanada, Kipr, Peru, Türkiyə, o cümlədən Azərbaycandan olan mütəxəssis və elmi işçiləri bir araya gətirərək qeyd edilən sahələrin beynəlxalq standartlar, multidissiplinar çərçivə və humanitar yanaşma təbiq edilərək Azərbaycanda elmi əsaslarının qoyulması və inkişaf etdirilməsidir.