Azərbaycanda universitetlərdə oxuyan tələbələrin sayı peşə təhsilində oxuyanlardan çoxdur

Azərbaycanda təhsil alan hər 10 univeristet tələbəsinə bir peşə təhsilində oxuyan tələbə düşür. Bunu Milli Məclisin sədrinin birinci müavini Əli Əhmədov deyib. 

"Peşə təhsili sistemi dünyanın inkişaf etmiş ölkələrində geniş yayılıb. Avropada 40 faizi gənc məktəbi bitirdikdən sonra  peşə təhsilini oxumağa gedirlər.Bu da sənayenin inkişafına təsir edir. Azərbaycanda təhsil sistemində xeyli işlər görülüb. Eyni zamanda  peşə təhsilində əhəmiyyətli işlər aparılır. Reallıq budur ki, universitetlərdə təhsil alan hər 10 universitet tələbəsinin payına bir peşə təhsilində oxuyan tələbə düşür. Ümid edirik ki, bundan sonrakı mərhələdə də peşə təhsilinə maraq artacaq", - sədrin birinci müavini qeyd edib. 

Hazırda Azərbaycanda 230 min tələbə universitetlərdədə, 24 mini isə peşə təhsilində təhsil alır. 

Gülnar Nazimqızı