Bıçaqlanan tələbənin vəziyyəti ağır qiymətləndirilir - Yenilənib

Xəzər Universitetində bıçaqlanan tələbənin vəziyyəti ağır qiymətləndirilir. Bu barədə TƏBİB məlumat yayıb. 

"Təcili tibbi yardım briqadası tərəfindən 2005-ci il təvəllüdlü şəxsə (kişi cinsli) yerində ilkin tibbi yardım göstərilib və Sabunçu Tibb Mərkəzinə hospitalizasiya olunub. Bel nahiyəsinin deşilmiş yarası, sol bazunun kəsilmiş yarası diaqnozuları təyin edilən şəxsə zəruri tibbi yardımlar göstərilib və Əməliyyat blokuna alınıb. Hazırda pasiyent üzərində cərrahi əməliyyat aparılır, vəziyyəti ağır qiymətləndirilir", - məlumatda deyilir. 

13:39

Xəzər Universitetində tələbələr dava birinin digərini bıçaqlanması ilə bitib. Bu barədə modern məlumat yayıb. 

Hadisə yerinə təcili yardım qrupu və polis əməkdaşları cəlb edilib.

Yaralı tələbənin xəstəxanaya yerləşdirildiyi bildirilir.

Hadisə ilə bağlı  DİN-in Mətbuat Xidmətinin əməkdaşı polis leytenantı Lumu İsrəfilli bildirib ki, Xəzər Universitetində tələbəni bıçaqlayan şəxs saxlanılıb.

O qeyd edib ki, mayın 29-da Nizami rayonu ərazisində 20 yaşlı şəxsə kəsici alətlə xəsarət yetirilməsi barədə polisə məlumat daxil olub.

“Əməli törətməkdə şübhəli bilinən həmyaşıdı F.Əliyev polis əməkdaşları tərəfindən saxlanılıb. Araşdırma aparılır”, - qurum rəsmisi deyib.