Nazir qəzaya uğrayan AZAL təyyarəsindən danışıb

AZAL-a məxsus təyyarənin vurulması Rusiya Müdafiə Nazirliyinin səhvi ucbatından baş verib. Bunu jurnalistlərə açıqlamasında xarici İşlər naziri Ceyhun Bayramov bildirib.

Bayramov vurğulayıb ki, Azərbaycan bu məsələ ilə bağlı mövqeyində tamamilə qətiyyətlidir.

“2025-ci ilin oktyabrında Azərbaycan və Rusiya prezidentləri arasında görüşdə Rusiya Prezidenti tərəfindən səsləndirilmiş tədbirlər görülməlidir. Gözləntimiz ondan ibarətdir ki, buna dair bütün tədbirlər görüləcək, hüquqi qiymət veriləcək, kompensasiyalar ödəniləcək”, - o deyib. 

Nazir qeyd edib ki, hadisənin bütün aspektləri hüquqi baxımdan qiymətləndiriləcək və zəruri kompensasiyalar təmin olunacaq.

Azərbaycana məxsus Embraer-190 təyyarəsi 25 dekabr 2024-cü ildə Aktau limanı yaxınlığında qəzaya uğrayıb. Təyyarədə 67 nəfər olub, onlardan 38-i, o cümlədən altı Qazaxıstan vətəndaşı həlak olub. 

Aytac Zeynalova