Azərbaycan və Tacikistan arasında 90-a yaxın ikitərəfli müqavilə-hüquq bazası formalaşıb

Azərbaycan və Tacikistan  arasında təxminən 90 ikitərəfli sənədi əhatə edən möhkəm müqavilə-hüquq bazası formalaşıb.Bunu  İqtisadiyyat nazirinin müavini Sahib Ələkbərov vurğulayıb.

"iki ölkə arasında dostluq, qarşılıqlı hörmət və etimada əsaslanan münasibətlər uzun illərdir uğurla inkişaf edir. İki ölkə arasında əlaqələrin möhkəmlənməsində hər iki dövlətin diplomatik fəaliyyəti mühüm rol oynayır.  ikitərəfli gündəliklər ardıcıl şəkildə genişlənir və yeni məzmunla zənginləşir. Bu sənədlər sırasında hüquqi əməkdaşlıq, investisiyaların qarşılıqlı qorunması, ikiqat vergitutmanın aradan qaldırılması, azad ticarət, eləcə də iqtisadi əməkdaşlığın genişləndirilməsi və işgüzar əlaqələrin gücləndirilməsinə yönəlmiş mühüm sazişlər yer alır",- o bildirib.

Həmçinin qeyd edilib ki, Azərbaycan tərəfi həm ikitərəfli, həm də digər platformalar çərçivəsində əməkdaşlığın inkişafı istiqamətində fəal fəaliyyət göstərir.