Bakı rusiyalı turistlər üçün ən ucuz turizm istiqamətlərinin onluğuna daxildir

 Bakı şəhəri rusiyalı turistlər üçün 2016-cı ildə ən ucuz turizm istiqamətləri reytinqində 7-cı sıradadır.

 

APA-nın "ca-news.org”a istinadən verdiyi xəbərə görə, reytinqi Rusiyada otel sifarişi üzrə online xidmət olan "Oktogo.ru” saytı tərtib edib. Reytinq 2016-cı il fevralın 1-dən dekabrın 31-dək hotel bronlaşmalarının günlük orta qiyməti əsasında hazırlanıb. Reytinq cədvəlinə əsasən Polşa şəhəri Poznan rusiyalı turistlər üçün ən ucuz şəhərdir. Ən ucuz şəhərlər sırasına Polşanın Krakov, Özbəkistanın paytaxtı Daşkənd, İspaniyanın Malaqa, İordaniyanın Amman, Gürcüstanın paytaxtı Tbilisi, İtaliyanın Palermo, Moldovanın paytaxtı Kişinyov və Ermənistanın paytaxtı İrəvan da daxildir.