“İpoteka şərtləri çətinləşəcək” – AÇIQLAMA

"Fitch” beynəlxalq reytinq agentliyi Azərbaycan İpoteka Fondunun (AİF) milli və xarici valyutada uzunmüddətli kredit reytinqini "BBB”dən "BB+”a endirib. Agentlik Fondun kredit reytinqi üzrə proqnozunu "neqativ” olaraq təsdiq edib. "Fitch” AİF-in kredit reytinqini Azərbaycanın suveren reytinqinə uyğun təyin etdiyini bildirib.

 

 

Ekspert Samir Əliyev ANN.Az-a açıqlamasında bildirib ki, "Fitch” Beynəlxalq Agentliyin Azərbaycan İpoteka Fondunun reytinqini aşağı salması yuxarıda sadalanan mənbələrdən birinin vəziyyətinin ağırlaşacağı anlamı deməkdir: "Yəni xaricdən vəsait cəlb etmək Fond üçün çətin olacaq. Ancaq bu o demək deyil ki, "Fitch” agentliyinin reytinqi aşağı salması mümkünsüz idi. Reytinq aşağı endirildi. Sadəcə reytinq yuxarı olanda daha əlverişli şərtlərlə xaricdən borcu daha aşağı faizlərlə cəlb etmək olardı. Fondun reytinqi aşağı salındığına görə, yəqin ki, bir qədər baha resurs cəlb etmək məcburiyyətində qalacaq. Bu isə Fondun ipoteka şərtlərini yüngülləşdirmək əvəzinə daha çox problem yaradacaq. Yəni bu məsələ Fonda xeyli çətinlik törədəcək”.

İqtisadçı reytinqin aşağı salınmasının əsas səbəbi Azərbaycanın dövlət kimi suveren reytinqinin aşağı salınması ilə əlaqədar olduğunu deyib: "Buna da səbəb neftin qiymətinin düşməsi ilə əlaqədar idi. Dövlət olaraq reytinqin aşağı salınması son nəticə olaraq ona gətirib çıxaracaq ki, dövlət qurumlarının reytinqi aşağı düşəcək. Tək İpoteka Fondu yox, misal üçün SOCAR-ın da reytinqinin düşməsi realdır. Səhv etmirəmsə, "Azərenerji”nin də reytinqi aşağı salınıb. Hansı qurumların reytinqi var, onların reytinqinin aşağı endirilmə şansı çoxdur”.