Batumi limanından neft nəqli 17% azalıb
05.05.2016 15:02
Bu ilin yanvar-aprel ayları ərzində Gürcüstanın Batumi limanından (Qara dəniz) neft və neft məhsullarının daşınması əvvəlki ilin müvafiq dövründən 17,4% az olub.
"Report"un "Reuters" agentliyinə istinadən verdiyi xəbərə görə, bu barədə terminalın rəsmisi bildirib.
Adının çəkilməsini istəməyən şəxs qeyd edib ki, Qazaxıstanın "KazMunaiGas" enerji şirkəti tərəfindən idarə olunan terminaldan bu ilin dörd ayında 1,128 mln. ton neft və neft məhsulları daşınıb, ötən ilin analoji dövründə isə bu rəqəm 1,365 mln. ton təşkil edib. Aprel ayında isə terminaldan nəql 320,470 min ton olub.
Qeyd edək ki, terminal vasitəsilə 2015-ci ildə 3,616 mln. ton neft və neft məhsulları göndərilib. Azərbaycan, Qazaxıstan, Türkmənistandan xam neft və neft məhsulları Gürcüstanın Qara dəniz limanları - Batumi, Supsa, Poti və Kulevi terminalı ilə nəql olunur.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 12:42
Azərbaycanda orta aylıq əmək pensiyasının 2027-ci ildə 639 manata çatacağı gözlənilir
Foto
Video
