Avtomobil idxalı ilə bağlı gömrükdə yenilik - VİDEO

ANN.Az-ın xezerxeber-ə istinadən verdiyi məlumatına görə, Dövlət Gömrük Komitəsindən bildirilir ki, elektron gömrük bəyannaməsini doldurmaq üçün qurumun internet səhifəsindən, eləcə də elektron hökumət portalının gömrük bəyannaməsinin qəbulu xidmətindən istifadə etməlidir. Elektron bəyannamədə digər maddələr kimi avtomobillərlə də bağlı məlumatlar öz əksini tapır. İstər fiziki, istər vəzifəli, istərsə də hüquqi şəxslər bəyannaməni doldurmaq üçün mütləq elektron imzaları olmalıdır. Əks halda nəqliyyat vasitəsini rəsmiləşdirmək mümkün olmayacaq. Elektron imza almaq üçün e-imza.az saytına daxil olmaq lazımdır.

Gömrük bəyannaməsinin hazırlanması və təsdiq edilməsi müddəti də məlumdur.

Avtomobil idxalı ilə məşğul olanlar gömrük ödənişlərini azaltmaq üçün qiyməti aşağı göstərməyə də cəhd edir. Amma bunu müəyyən etmək üçün kifayət qədər üsullar var. Müxtəlif ölkələrin gömrük komitələrindən avtomobilin qiymətini öyrənmək, eləcə də bəyənnamədə göstərilən qiymətlə bazar qiymətlərini müqayisə etmək mümkündür.