Şəhərin mərkəzində pulsuz internet olacaq

"İçərişəhər” Dövlət Tarix-Memarlıq Qoruğu, Dövlət Bayraq Meydanı daxil olmaqla, bütün Dənizkənarı Milli Park və "Fəvvarələr meydanı” əraziləri ictimai "Wi-Fi” şəbəkəsi ilə təmin ediləcək. 

Rabitə və Yüksək Texnologiyalar Nazirliyindən verilən məlumata görə, artıq layihələndirmə işləri başa çatıb. 

Yaxın müddətdə layihənin icrasına başlanılacaq. 

"İctimai internet layihəsinin həyata keçirilməsində əsas məqsəd paytaxt sakinlərini və şəhərimizin qonaqlarını simsiz və yayılan texnologiya vasitəsilə pulsuz internetlə təmin etməkdir. İlkin mərhələdə əhalinin daha çox sıx istirahət etdiyi yerlər seçilib. 

Genişzolaqlı sürətli internet təminatı Bakı sakinləri, yerli və xarici turistlər üçün qlobal şəbəkəyə pulsuz çıxış imkanı yaradacaq”, - nazirliyin məlumatında bildirilir.