Bakıda daha 6 marşrut kartla ödənişə keçir

Bu barədə Trend-ə Nazirlər Kabineti yanında Bakı Nəqliyyat Agentliyindən məlumat verilib.

İlk mərhələdə 6 marşrut xətti üzrə 117 avtobusda validatorların quraşdırılması təmin edilib. Ümumilikdə yaxın zamanlarda daha 400 avtobusda validatorların quraşdırılması nəzərdə tutulub.

Xatırladaq ki, vahid kart sisteminin tətbiq edildiyi 15 marşrut xəttində və Bakı metropolitenində gediş haqqının ödənilməsi "BakıKart" sistemi ilə həyata keçirilir.

Qeyd edək ki, kard vasitəsilə ödənişin tətbiqi Bakı şəhərində müntəzəm sərnişindaşıma sahəsində xidmət göstərən daşıyıcı şirkətlər qarşısında vahid kart sisteminə keçidin tətbiqinə dair Bakı Nəqliyyat Agentliyi tərəfindən qoyulan tələbə uyğun olaraq həyata keçirilir.