Dolların bu günə olan məzənnəsi

ANN.Az AMB-yə istinadən xəbər verir ki, bu gün ABŞ-ın milli valyutası olan dolların məzənnəsi yanvarın 30-u ilə müqayisədə dəyişməyərək 1,9165 manat təşkil edib.

Avro da manata nisbətən ucuzlaşıb. Avrozonanın vahid valyutası 2,0563 manatdan 2,0500 manatadək azalıb. Əsas ticarət tərəfdaşlarımızdan biri olan Rusiyanın milli valyutası rublun məzənnəsi dəyişməyərək 0,0320 manat olub.

Türkiyə lirəsinin məzənnəsi 0,4961 manatdan 0,5067 manatadək artıb. Rəsmi məzənnəyə əsasən, 1 ingilis funt sterlinqi 2,4099 manatdan 2,3975 manatadək azalıb.

Gürcüstan larisinin məzənnəsi isə 0,7105 manatdan 0,7092 manatadək ucuzlaşıb.