Neft Fondunun səhmlərini və aktivlərini idarə edən qurumlar açıqlandı

Anews.az xəbər verir ki, bu barədə ARDNF-nin 2016-cı il üzrə audit hesabatında yer alan məlumatda deyilir.

Hesabat "PricewaterhouseCoopers Audit Azerbaijan LLC" tərəfindən aparılıb.

ARDNF-nin vəsaitlərin idarə olunmasında xarici menecerlərin xidmətlərindən istifadə edilməsi onların müvafiq sahələrdəki bilik və bacarıqlarından faydalanmaq, eləcə də, qabaqcıl dünya təcrübəsinin daxili idarəetmədə olan portfelə tətbiqi nöqteyi-nəzərindən ciddi əhəmiyyət kəsb edir.

Fondun vəsaitlərinin bir hissəsi aşağıda qeyd edilən xarici menecerlər tərəfindən idarə olunur: 

Sabit gəlirli qiymətli kağızlar üzrə: 

• Dünya Bankı – ARDNF-nin aktivlərinin 226 milyon ABŞ dollarını (ARDNF-nin

aktivlərinin 0,7%-ni) idarə edir.

• "Deutsche Bank Advisors” – ARDNF-nin aktivlərinin 102 milyon ABŞ dollarını (ARDNF-nin aktivlərinin 0,3%-ni) idarə edir.

Səhmlər üzrə:

• "UBS Asset Management” – ARDNF-nin aktivlərinin 1 274 milyon ABŞ dollarını (ARDNF-nin aktivlərinin 3,9%-ni) idarə edir.

• "State Street Global Advisors” (SSgA) – ARDNF-nin aktivlərinin 1 215 milyon ABŞ dollarını (ARDNF-nin aktivlərinin 3,7%-ni) idarə edir.