Sürücülərin nəzərinə: bu yol ötürücüsü bağlandı

Bakı şəhəri Ziya Bünyadov prospektinin Alı Mustafayev, Hüseynbala Əliyev və Əbdülvahab Salamzadə küçələri ilə kəsişməsində yerləşən müxtəlif səviyyəli yol qovşağı kompleksinə daxil olan, Ə. Salamzadə küçəsindən Z. Bünyadov prospekti ilə Azadlıq prospektinin kəsişməsi istiqamətinə nəqliyyatın hərəkətini təmin edən tunel tipli yol ötürücüsü bağlanıb.Bunu “APA-Economics”ə Nəqliyyat Nazirliyi “Azəryolservis “ASC-nin mətbuat xidmətinin rəhbəri Pünhan Mürsəliyev bildirib. Onun sözlərinə görə, müvəqqəti açılan tunelin bağlanması köməkçi yolda asfalt-beton işlərinin başa çatması ilə əlaqədardır. “Salamzadə küçəsindən Z. Bünyadov prospekti ilə Azadlıq prospektinin kəsişməsi istiqamətinə hərəkət edən nəqliyyat vasitələri artıq köməkçi yoldan istifadə edə bilərlər. Hazırda sözügedən tunel tipli yol ötürücüsündə son tamamlanma işləri davam etdirilir”, - deyə o qeyd edib.ANN.Az