Zənginlər reytinqinin lideri dəyişdi - Bir gündə sərvətini 710 milyon dollar artırıb

Dünya zənginlərinin "Forbes Real-Time” cari reytinqində birinci yerə "Louis Vuitton Moet Hennessy” (LVMH) geyim və dəb əşyaları şəbəkəsinin rəhbəri Bernar Arno çıxıb.

"Ölkə.az” xəbər verir ki, son 24 saat ərzində onun varidatı 710 milyon ABŞ dolları artaraq 186,3 milyard dollara çatıb. Bununla da 186 milyard dolları olan "Amazon” onlayn alış-veriş portalının sahibi Cef Bezos uzunmüddətli liderlikdən sonra kiçik fərqlə ikinci yerə enib.

 

Sonrakı yerlərdə "Tesla” və "Spaxe X” şirkətlərinin təsisçisi və rəhbəri İlon Mask (147,3 milyard dollar), "Microsoft” şirkətinin sahibi Bill Geyts (125,5 milyard dollar), "Facebook” şirkətinin sahibi Mark Zukerberq (144,7 milyard dollar) qərarlaşıblar.