İllik inflyasiya 13% olub

Bu ilin yanvar ayında Azərbaycanda istehlak qiymətləri indeksi ötən ilin eyni dövrünə nisbətən 112,5 %, o cümlədən ərzaq məhsulları, içkilər və tütün məmulatları üzrə 117,1 %, qeyri-ərzaq məhsulları üzrə 105,9 %, əhaliyə göstərilmiş ödənişli xidmətlər üzrə 111,1 % təşkil edib.

Bu barədə fevralın 11-də Dövlət Statistika Komitəsi məlumat yayıb.

Ötən ay isə istehlak qiymətləri indeksi əvvəlki aya nisbətən 101,6 % olub. 

O cümlədən, bu ilin yanvarında ərzaq məhsulları, içkilər və tütün məmulatları üzrə istehlak qiymətləri indeksi ötən ilin dekabr ayına isbətən 102,6 % təşkil edib.

Ötən ay qeyri-ərzaq məhsulları üzrə istehlak qiymətləri indeksi əvvəlki aya nisbətən 100,8 % təşkil edib.