Azərbaycan əhalisinin istehlak xərcləri 3% artıb

2022-ci ilin birinci rübündə Azərbaycan əhalisi pərakəndə ticarətsatış obyektlərindən 10 milyard 998,4 milyon manatlıq istehlak malları alıb ki, bu da 2021-ci ilin eyni dövründən 3,1% çoxdur.

Dövlət Statistika Komitəsindən verilən məlumata görə, hesabat dövründə əhalinin ərzaq məhsulları, içkilər və tütün məmulatlarının satın alınması ilə bağlı xərcləri 6 milyard 212,3 milyon manat (2021-ci ilin yanvar-martı ilə müqayisədə 2,6 faiz artım), qeyri-ərzaq məhsul - 4 milyard 786,1 milyon manat (artım 3,7 faiz).

Komitənin məlumatına görə, pərakəndə satış şəbəkəsində istehlak xərclərinin 56,5%-i ərzaq, içkilər və tütün məmulatları, 15,2%-i tekstil məhsulları, geyim və ayaqqabılar, 5,2%-i avtomobil benzini və dizel yanacağı, 4,7%-i elektrik cihazları və mebel, 2,4 faizi əczaçılıq və tibb məhsulları, 1,1 faizi kompüter, telekommunikasiya və poliqrafiya avadanlığı, 14,9 faizi digər qeyri-ərzaq məhsullarıdır.

2021-ci ilin yanvar-martında pərakəndə əmtəə dövriyyəsi real ifadədə müəssisələr üzrə 13,3 faiz, bazar və yarmarkalarda 1,1 faiz artıb, fərdi sahibkarlar üzrə 1,3 faiz azalıb.

2022-ci ilin yanvar-martında əhalinin hər nəfərinə ərzaq, içkilər və tütün məmulatlarının alışına xərclər 206,2 manat, qeyri-ərzaq mallarının alışına isə 158,9 manat təşkil edib.

2021-ci ilin sonunda əhalinin istehlak mallarına sərf etdiyi xərcləri 3,2% artır.


N.Təbrizli

www.anews.az