Bolqarıstan yeni sxem üzrə Qazprom-a ödəniş etməkdən imtina edib

Eyni zamanda, hesabatda qeyd olunur ki, "Bolqarıstan tərəfi öz öhdəliklərini tam yerinə yetirib və bu saziş üzrə tələb olunan bütün ödənişləri vaxtında, ciddi şəkildə və onun bəndlərinə uyğun olaraq həyata keçirib”.

Energetika Nazirliyi  "Bulgargaz”ın məlumatına istinadla qeyd edir ki,  Rusiyanın təklif etdiyi yeni iki mərhələli ödəniş proseduru cari ilin sonuna qədər mövcud müqaviləyə uyğun gəlmir və Bolqarıstan üçün əhəmiyyətli risklər yaradır. Rusiyadan qaz almamış ödənişlər etməyi də Bolqaarıstan riskli əməliyyat hesab edir. .

Energetika Nazirliyi, Bolqarıstanın Enerji Holdinqi, "Bulgargaz” və "Bulqartransqaz” təbii qaz tədarükü üçün alternativ mexanizmlərin yaradılması və yaranmış vəziyyəti həll etmək istiqamətində addımlar atır.

 

Bolqarıstan rəsmiləri əmin edirlər ki, hazırda Bolqarıstandaqaz qıtlığı gözlənilmir. 

 

Martın 31-də Rusiya Federasiyasının prezidenti Vladimiz Putin "Xarici alıcılar tərəfindən Rusiya təbii qaz tədarükçüləri qarşısında öhdəliklərin yerinə yetirilməsinin xüsusi qaydası haqqında” 172 nömrəli Fərman imzalayıb.
 
Sənədə əsasən, 2022-ci il aprelin 1-dən sonra  Rusiya boru kəməri ilə ixrac etdiyi qazın pulunu rublla ödənilməsini tələb edir. 

Bu məqsədlə səlahiyyətli maliyyə qurumunda - Qazprombankda xarici alıcılar üçün "K" tipli xüsusi rubl ilə valyuta hesabları açılıb.
 
Hazırda isə xarici alıcılar qazı ixrac  müqaviləsində göstərilən  valyutada ödəyir, Qazprombank  onu Moskva birjasında sataraq rubla çevirir və  Qazproma köçürür. Məhz bu anda təbii sərvət üçün ödəmə öhdəliyi yerinə yetirilmiş hesab olunur.

 

Bolqarıstan həmçinin Azərbaycan qazının hazırda alıcısıdır. Belə k, Azərbaycan qazı  Transadriatik qaz kəməri ilə Yunanıstana daxil olur və oradan köməkçi qaz kəməri ilə Bolqarıstana verilir. Bu il Azərbaycan Bolqarıstana  1 milyard kubmetr qaz verməlidir. Keçən il bu rəqəm 300 milyon kubmetr olub. 

 

Hazırda Azərbaycan qazının Bolqarıstana verilməsi üçün Yunanıstan Bolqarıstan interkonnektoru tikilir. Onun tikintisinin bu ilin yayında bitəcəyi proqnozlaşdırılır.