Azərbaycan qaz satışını artırıb - RƏSMİ AÇIQLAMA

9,4 milyard kubmetr qazın 48%-i və ya 4,5 milyard kubmetri Avropaya nəql olunub. Hesabat dövründə  38% və ya 3,6 milyard kubmetr qaz Türkiyənin, 14% və ya 1,3 milyard kubmetr Gürcüstanın payına düşüb.

Azərbaycan qazının TAP kəməri ilə İtaliya, Yunanıstan və Bolqarıstana ixracına 2020-ci il dekabrın 31-də başlanılıb. 2021-ci ildə TAP ilə Azərbaycandan 8,2 milyard kubmetr qaz nəql olunub.

Yataqlar istismara veriləndən iyunun 1-dək  "Azəri-Çıraq-Günəşli”dən 195,9 milyard kubmetrə yaxın, "Şahdəniz”dən isə 168 milyard kubmetrdən çox qaz hasil olunub. 

TANAP-ın birinci fazası (Gürcüstan-Türkiyə sərhədindən Əskişəhərədək) 2018-ci il iyunun 12-də işə salınıb. Türkiyəyə ilk kommersiya qazının tədarükünə 2018-ci il iyunun 30-dan başlanılıb. 2019-cu il aprelin 15-də TANAP qaz kəmərinin Əskişəhərdən Türkiyə-Yunanıstan sərhədinədək olan hissəsinə qazın sınaq tədarükünə başlanılıb. Həmin ilin iyun ayının 15-də "Şahdəniz” yatağından hasil edilən qaz TANAP ilə Türkiyə-Yunanıstan sərhədinə çatıb.

Ümumi uzunluğu 1,85 min kilometr olan TANAP qaz kəməri "Mərhələ-2” çərçvəsində "Şahdəniz” yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə qədər nəqli üçün nəzərdə tutulub. Qaz kəmərinin ötürmə qabiliyyəti ən azı 16 milyard kubmetr təşkil edəcək. Bu həcmin 10 milyard kubmetri Avropaya, 6 milyard kubmetri Türkiyənin qərb regionlarına göndəriləcək.

Prezident İlham Əliyev 2018-ci il mayın 29-da Azərbaycan qazının Avropaya nəqli üçün infrastrukturun yaradılmasını nəzərdə tutan Cənub Qaz Dəhlizini işə salıb. Layihənin dəyəri $33 milyard təşkil edib.

CQD layihəsinin əsas komponentləri bunlardır: "Şahdəniz” layihəsi üzrə "Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişləndirilməsi, Türkiyənin şərq sərhədindən qərb sərhədinə qədər Trans-Anadolu qaz kəmərinin (TANAP) və Yunanıstan, Albaniya və Adriatik dənizini birləşdirən Trans-Adriatik qaz kəmərinin (TAP) tikintisi.

 

"Azəri-Çıraq-Günəşli” və "Şahdəniz” yataqları istismara veriləndə iyunun 1-dək  591,6 milyon tona yaxın neft (kondensatla birlikdə) hasil edilib. "Azəri-Çıraq-Günəşli”dən 555,3 milyon ton neft, "Şahdəniz”dən isə 36,3 milyon ton kondensat çıxarılıb. "Azəri-Çıraq-Günəşli” və "Şahdəniz” yataqları istismara veriləndən 2022-ci ilin 01 iyun tarixinədək 591 milyon ton neft (kondensatla birlikdə) ixraca nəql edilib.

Yataqlar istismara veriləndən iyunun 1-dək "Azəri-Çıraq-Günəşli”dən 195,9 milyard kubmetrə yaxın, "Şahdəniz”dən isə 168 milyard kubmetrdən çox qaz hasil olunub. Bu dövrdə "Şahdəniz” yatağından hasil edilən qazın 116 milyard kubmetrdən çox həcmi ixraca nəql edilib.