OPEC-in əldə etdiyi gəlirlər 77% artıb - HESABAT

 

2021-ci ilin nəticələrinə əsasən, yalnız OPEC ölkələrinin neft ixracı illik 0,2% azalıb. Belə ki, bu göstərici gündəlik 19,66 milyon barel təşkil edib. Bununla da sözügedən rəqəmlərdə azalma artıq beşinci ildir ki, müşahidə olunur.

Əvvəlki illərdə olduğu kimi, OPEC-ə üzv olan ölkələrdən neftin əsas həcmi – gündəlik 14,24 milyon barel və ya 72,4%-i Asiyaya ixrac edilib. İxrac edilən neftin həcminin əhəmiyyətli hissəsi – gündəlik təqribən 3,27 milyon bareli Avropaya ixrac edilib. 2020-ci ildə bu göstərici 3,13 milyon barel səviyyəsində olub.

 

Hesabata görə, ötən il dünyada təsdiq edilmiş qaz ehtiyatlarının həcmi 2020-ci illə müqayisədə 0,5% azalaraq, 205,865 trilyon kubmetr təşkil edib.  Təsdiq edilmiş qaz ehtiyatlarının həcminə görə, birinci yerdə Rusiya (47,759 trilyon kubmetr), ikinci yerdə İran (33,988 trilyon kubmetr), üçüncü yerdə Qətər (23,831 trilyon kubmetr), dördüncü yerdə Türkmənistan (13,95 trilyon kubmetr), beşinci yerdə isə ABŞ (12,246 trilyon kubmetr) qərarlaşıb.

 

OPEC, dünyanın ən böyük neft istehsal edən ölkələrindən ibarət hökumətlərarası bir təşkilat olan Neft İxrac edən Ölkələr Təşkilatıdır. 1960-cı ildə İraqın Bağdad şəhərində qurulmuş və 1962-ci ilə qədər Birləşmiş Millətlər Təşkilatı (BMT) tərəfindən tanınmamışdır. Hal-hazırda qərargahı Avstriyanın Vyana şəhərindədir.