Hərracda satılana avtomobillərin sayı artıb

2022-ci ilin yanvar-iyununda hərraclar yolu ilə satılan nəqliyyat vasitələrinin sayı ötən ilin eyni dövrü ilə müqayisədə 3,7 dəfə artaraq 319 olub. Bu barədə Əmlak Məsələləri Dövlət Xidmətinin rəsmi saytı məlumat yayıb.

Ümumillikdə, 24 hərracda  384 nəqliyyat vasitəsi satışa çıxarılıb. 

"Hesabat dövründə nəqliyyat vasitələrinin hərracından dövlət büdcəsinə 1,22 milyon manat daxil olub ki, bu da bir il öncəki göstəricidən 4,8 dəfə çoxdur" - Dövlət Xidmətindən bildirilib.

İlin birinci yarısında nəqliyyat vasitələri üzrə ümumilikdə ilkin satış qiyməti 1 269 425 manat olsa da, rəqabətli hərrac nəticəsində bu, 1 620 911 manat təşkil edib.

www.anews.az