Azərbaycanda maaşların nə qədər artdığı açıqlandı

Bu ilin yanvar-iyulunda ölkə iqtisadiyyatında muzdla çalışan işçilərin orta aylıq nominal əmək haqqı 831 manat 30 qəpik olub.

 

Qurumdan verilən rəsmi məlumata görə orta aylıq nominal əmək haqqı əvvəlki dövr ilə (yanvar-iyun) müqayisədə 4 manat 20 qəpik artıb. Belə ki, bu ilin yanvar-iyununda ölkə iqtisadiyyatında muzdla çalışan işçilərin orta aylıq nominal əmək haqqı 827 manat 10 qəpik olub.

Açıqlanan məlumatda qeyd olunur ki, iqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də nəqliyyat və anbar təsərrüfatı sahələrində orta aylıq nominal əməkhaqqı daha yüksək olub.

Bu ilin əvvəlindən ötən dövr ərzində ölkədə orta aylıq nominal əməkhaqqı aşağıdakı kimi olub:

Yanvar – 765,9 manat

Yanvar-Fevral – 768,3 manat

Yanvar-Mart – 809 manat

Yanvar-Aprel – 824,7 manat

Yanvar-May – 825,3 manat

Yanvar-İyun – 827,1 manat

Yanvar-İyul – 831,3 manat

 

Aytac