Bank Respublika Özünüməşğulluq proqramı çərçivəsində Naxçıvanda aztəminatlı ailələri sevindirdi!

Ölkəmizdə davamlı olaraq sosial layihələr həyata keçirən Bank Respublika, aztəminatlı ailələrin sosial rifahının yaxşılaşdırılması məqsədilə həyata keçirilən özünüməşğulluq proqramı çərçivəsində sahibkarlıq fəaliyyətinə başlamaq istəyən həssas əhali qruplarına dəstək olmağa davam edir.


Bank bu dəfə, Yeni il öncəsi Naxçıvanın Şərur və Ordubad rayonlarında yaşayan aztəminatlı ailələrin arzusunu reallaşdırıb. Belə ki, Bank sahibkarlıq fəaliyyətinə başlamaq istəyən şəxslərin istəklərini həyata keçirərək onları əvəzsiz olaraq broyler inkubatoru, avtoçilingər avadanlıqları, eləcə də maldarlıq təsərrüfatının qurulması üçün mal-qara və yem ilə təmin edərək sahibkarlığa başlamalarına təkan vermişdir.

Özünüməşğulluq layihə çərçivəsində Bank Respublika indiyədək paytaxt Bakı ilə yanaşı ölkənin əksər regionlarında 100-dən çox işsiz, əlil, şəhid ailəsi, qazi və aztəminatlı ailələrdən olan şəxslərə müxtəlif sahələr üzrə əvəzsiz olaraq aktivlər təqdim edib.


Daha ətraflı məlumatı bankın rəsmi web saytında, facebook, instagram, linkedin səhifələrində və ya Bankın Çağrı Mərkəzinə 144 nömrəsinə zəng edərək əldə edə bilərsiniz.







www.anews.az