“Şimal-Cənub” nəqliyyatı artıb - Azərbaycandan keçən payı yüksəkdir

2023-cü ilin yanvar-mayda Şimal-Cənub İTC üzrə dəmir yolu daşımaları 40%-dən çox artaraq 4 milyon tona çatıb. Bu barədə "Kommersant” yazıb.

"Şimal-Cənub” beynəlxalq nəqliyyat dəhlizi (BHT) üzrə yanvar-mayda daşınmalar 41,8% artaraq 4 milyon ton təşkil edib. Əsas pay Azərbaycandan keçməklə Rusiyanı İranla birləşdirən qərb marşrutunun payına düşüb - 3,6 milyon ton (artım 37,9%). Digər dəhlizlərdə dinamika daha yüksək olsa da, yükdaşımaların həcmi azdır.

Nəşr qeyd edib ki, şərq marşrutu üzrə hərəkətin artması bir sıra üstünlüklərlə bağlı olub. Məsələn, ötən ilin sonunda Qazaxıstan və Türkmənistandan keçən şərq marşrutu üzrə konteyner daşımalarına 20% endirim tətbiq edilib.

Analitiklər hesab edirdilər ki, Şimal-Cənub dəhlizi ilə yükdaşımalarda artım davam edəcək. Nəzərə alsaq ki, Qərbdən malların tədarükünə qoyulan məhdudiyyətlər ancaq arta bilər, bu istiqamətdə yüklərin daşınmasına tələbat artacaq. Bir sıra infrastruktur məhdudiyyətlərinə baxmayaraq, artım Rəşt-Astara hissəsinin tikintisi başa çatana qədər davam edəcək.


www.anews.az