Viktor Orban - Azərbaycandan alınan qaz çox əhəmiyyətlidir

Azərbaycan Aİ-nin enerji müstəqilliyini qorumaq üçün strateji əhəmiyyət kəsb edir. Bunu Macarıstanın baş naziri Viktor Orban deyib.  

 

Avropa Şurasının prezidenti oktyabrın 18-də Azərbaycan və Ermənistan liderlərinin Brüsseldə görüşünü təsdiqləyib. 

 

Qrandada keçirilən görüşdən sonra Avropa İttifaqı rəhbəri Roberta Metsola Azərbaycanı Qarabağda baş verən son hadisələrdən sonra etibarsız tərəfdaş adlandıraraq, Azərbaycandan qaz almamağa çağırıb. 

 

Oktyabrın 5-də"Politico" nəşri yazıb ki, Avropa İttifaqının Bakıya qarşı sanksiyalar tətbiq etməsi ehtimalı azdır. Nəşr səbəb kimi Aİ-nin Azərbaycandan təbii qaz tədarükündən asılı olması göstərilir.  

 

Oktyabrın 5-də Avropa Parlamentinin üzvləri Qarabağdakı vəziyyətlə əlaqədar Avropa İttifaqını Azərbaycana qarşı sanksiyalar tətbiq etməyə çağıran qətnamə qəbul ediblər. 

Sənəddə qeyd olunur ki, Qarabağda "çoxsaylı atəşkəs pozuntularına və insan hüquqlarının pozulmasına görə məsuliyyət daşıyan” Azərbaycan hökumətindəki şəxslərə qarşı sanksiyalar tətbiq etməyə çağırır.

Avropa Parlamenti həmçinin Brüssel və Bakı arasında əməkdaşlığın inkişafına yenidən baxmağa  və Azərbaycan qazının idxalından asılılığı azaltmağa çağırıb.


Oktyabrın 6-da Azərbaycan Milli Məclisi qətnaməni pisləyərək bəyanat yayıb. 

 

2023-cü ilin birinci yarısında Azərbaycandan Avropaya qaz ixracı 8,9% artıb. 2022-ci ildə Azərbaycan qaz ixracını 18%, yəni  22,3 milyard kubmetrədək artırıb, Avropaya tədarük 11,4 milyard kubmetr (+39%) təşkil edib.

 

Gülnar Nazimqızı