Bakı və Ankara enerji interkonnektoru ilə bağlı işçi qrupu yaradacaq

"Hazırda "Azərenerji” ASC ilə "Türkiyə Elektrik İletim Anonim Sirketi” arasında əməkdaşlıq 2023-2025-ci illər üçün yol xəritəsi çərçivəsində həyata keçirilir. 

Əməkdaşlığımızın inkişafında növbəti addım mənim, türkiyəli həmkarım Alparslan Bayraktarın, Azərenerji və TEİAŞ-ın, eləcə də Azərbaycanın və Türkiyənin bu sahəni tənzimləyən digər strukturlarının iştirakı ilə böyük bir işçi qrupunun yaradılması olacaq. Şahbazov cümə axşamı Bakıda Azərbaycan-Türkiyə İnvestisiya Forumu çərçivəsində "Yaşıl Enerji və Ağıllı Şəhər” panel sessiyasında çıxışı zamanı Azərbaycan və Türkiyə və ilk növbədə Naxçıvan "Türkiyə” arasında birləşdirici konnektordur", - Şahbazov bildirib.

Onun sözlərinə görə, 1 min MVt-dan çox "yaşıl” enerjinin Naxçıvan vasitəsilə Türkiyəyə və daha sonra Avropaya ixracı üçün enerji dəhlizinin yaradılması Bakının strateji prioritetlərindən biridir.

"Bundan başqa, Azərbaycan-Türkiyə-Avropa enerji dəhlizi Mərkəzi Asiyadan elektrik enerjisinin tranziti üçün perspektivli istiqamətlərdən biridir. Artıq Qazaxıstan və Özbəkistanla "yaşıl” elektrik enerjisinin Azərbaycandan keçməklə Avropaya ixracına dair razılıq əldə olunub”.

Şahbazov xatırladıb ki, Azərbaycan müxtəlif istiqamətlər üzrə 5 min MVt-a qədər "yaşıl” enerji, o cümlədən 1 min MVt-ı Naxçıvan Muxtar Respublikası vasitəsilə ixrac etməyi planlaşdırır.

"Bu məqsədlə NMR-də, Qarabağda və Şərqi Zəngəzurda yaşıl enerji sahəsində layihələrin həyata keçirilməsi nəzərdə tutulur”.

Nazir əlavə edib ki, Azərbaycan Türkiyə şirkətlərinin enerji səmərəliliyi sahəsində təcrübəsini çox mühüm hesab edir və bu istiqamətdə əməkdaşlığa hazırdır.