Azərbaycanda ümumi daxili məhsul istehsalı artıb

2023-cü ildə Azərbaycanda 123 milyard manatlıq ümumi daxili məhsul (ÜDM) istehsal olunub, bu da əvvəlki illə müqayisədə 1,1 % çoxdur. Bu barədə Dövlət Statistika Komitəsi məlumat verib.

Hesabat dövründə iqtisadiyyatın neft-qaz sektorunda əlavə dəyər 1,7 % azalıb, qeyri neft-qaz sektorunda isə 3,7 % artıb.

ÜDM istehsalının 40,5 %-i sənaye, 10 %-i ticarət; nəqliyyat vasitələrinin təmiri, 6,2 %-i nəqliyyat və anbar təsərrüfatı, 6,2 %-i tikinti, 5,5 %-i kənd təsərrüfatı, meşə təsərrüfatı və balıqçılıq, 2,2 %-i turistlərin yerləşdirilməsi və ictimai iaşə, 1,7 %-i informasiya və rabitə sahələrinin, 18,6 %-i digər sahələrin payına düşür. Məhsula və idxala xalis vergilər ÜDM-in 9,1 %-ni təşkil edib.

Əhalinin hər nəfərinə düşən ÜDM 12 114,5 manata bərabər olub.

 

Ölkədə Ümumi Daxili Məhsul istehsalı 2026-cı ildə 1,2 dəfə artım olacağı gözlənilir.

2023-cü ilin on ayında Azərbaycanda 100,9 milyon manatlıq  ümumi daxil məhsul istehsal olunub.  
 
Dünya Bankı 2025-ci ildə Azərbaycan iqtisadiyyatının 2,6 % böyüyəcəyini proqnozlaşdırır.
 
Mərkəzi Bankın məlumatına görə, 2025-ci ildə Azərbaycanda inflyasiya 5,4 % olacağı proqnozlaşdırılır.