Ötən il 4 milyona yaxın ağac əkilib

2023-cü ildə ölkə ərazisində 4 milyona yaxın ağac əkilib. Bunu ekologiya və təbii sərvətlər naziri səlahiyyətlərini icra edən Muxtar Babayev bildirib.

" Ölkədə ətraf mühitə buraxılan zərərli qazların udulması və sağlam ekoloji mühitin yaradılması məqsədilə  meşə və yaşıllıq ərazilərinin genişləndirilməsi üçün kütləvi şəkildə ağacəkmə, meşə əkinləri və aqrobağların salınması işləri həyata keçirilir.  Azərbaycan iqlim dəyişikliyinin təsirini yumşaltmaq üçün bərpa olunan enerji mənbələrindən istifadənin artırılması, daha səmərəli yaşıl texnologiyalarının inkişafı, kimi bir sıra tədbirlər həyata keçirmişdir. İqtisadi fəaliyyət nəticəsində atmosfer havasına atılan istixana effekti yaradan qazların azaldılması,  karbon ticarəti sisteminin yaradılması və tənzimlənməsi məqsədilə Qanun layihəsi hazırlanmışdır",- Babayev  fevralın 15-də keçirilən "Vergi sistemi yeni inkişaf dövründə: davamlı iqtisadiyyat üçün strateji hədəflər” adlı Forumda bildirib.

www.anews.az