Azərbaycanda banan bahalaşa bilər

Azərbaycana banan idxalı azalsa da  2025-ci ilin birinci rübündə bu meyvənin ölkəyə idxalına çəkilən xərc əvvəlki illə müqayisədə daha çox olub.  Bu barədə Dövlət Statistika Komitəsinin məlumatında bildirilib.

Ötən ilin 3 ayında ölkəyə 16 min 845 ton banan idxal edilib və bu idxalın dəyəri 15 milyon 221 min dollar təşkil edib. Bu, ötən ilin eyni dövrü ilə müqayisədə 614 ton az olsa da, xərclər 1,5 milyon dollar və ya 11% artıb.

Bananın əsas təchizatçısı Ekvador olub. Bu ölkədən 16 min 581 ton banan (ümumi idxalın 98,4%-i) gətirilib və bunun dəyəri 14,94 milyon dollar təşkil edib.

Digər idxal ölkələri arasında Kosta-Rika (239,95 ton), Misir (21,16 ton), Filippin, Çin, Tayland, Kolumbiya və Almaniya yer alıb.

Mütəxəssislər artımı dünya bazarlarında qiymətlərin bahalaşması və nəqliyyat xərclərinin artması ilə izah edirlər.

N.Təbrizli