Ölkədə elektrik enerjisi ixracı artıb

2025-i ilin altı ayında  Azərbaycanda elektrik enerjisinin ixracı 709,9 milyon kVt/saat təşkil edib.Bu da ötən ilin eyni dövrü ilə müqayisədə 1,6 dəfə çoxdur. Bu barədə Energetika Nazirliyinin 6 ay üzrə açıqladığı statistikada qeyd olunub.

6 ayda ölkədə elektrik enerjisinin idxalı 81,1 milyon kVt/saat olub. Bu da bir il öncəki göstərici ilə müqayisədə 15,3 milyon kVt/saat və ya 15,9 % azdır.

Hesabat dövründə Azərbaycanda elektrik enerjisinin istehsalı 291,5 milyon kVt/saat, yəni 2,2 % artaraq 13 milyard 849,3 milyon kVt/saat olub.

2025-cü ilin iki ayında  Azərbaycanda elektrik enerjisinin istehsalı 4 milyard 864,8 milyon kVt/saat, ixracı 301,5 milyon kVt/saat, idxalı isə 19,5 milyon kVt/saat olub. 

Bu dövrdə su elektrik stansiyaları da daxil olmaqla bərpa olunan enerji mənbələrindən 510,5 milyon kVt/saat elektrik enerjisi istehsal edilib.

2023-cü ildə Azərbaycanda 29 276,6 milyon kVt/saat elektrik enerjisi istehsal olunub ki, bu da 2022-ci ilə nisbətən 272,3 milyon kVt/saat çoxdur. 
 
2022-ci ilin yekunlarına görə, Azərbaycanda elektrik enerjisi istehsalı 2021-ci illə müqayisədə 4% artaraq 28,988 milyard kilovat-saata çatıb.

Aytac