Azərbaycan nefti ucuzlaşıb

Dünya bazarında "Azeri Light" markalı Azərbaycan neftinin 1 barelinin qiyməti 0,94 ABŞ dolları və ya 1,27% azalaraq 72,70 dollar təşkil edib.

FOB Ceyhan limanında isə “Azeri Light”ın qiyməti 1,02 dollar və ya 1,4% azalaraq 71,30 dollar olub.

Hərracların nəticələrinə görə, “Brent” markalı neftin sentyabr fyuçersləri də 72,70 dollar səviyyəsində qərarlaşıb.

Azərbaycanın 2025-ci il dövlət büdcəsində bir barel neftin orta qiyməti 70 dollar nəzərdə tutulub.

“Azeri Light” neftinin ən aşağı qiyməti 2020-ci il aprelin 21-də – 15,81 dollar, ən yüksək qiyməti isə 2008-ci ilin iyulunda – 149,66 dollar səviyyəsində qeydə alınıb.

“Azeri Light” nefti əsasən “Azəri-Çıraq-Günəşli” (AÇG) yataqlar blokundan hasil olunur. Layihədə Azərbaycan Dövlət Neft Şirkəti (SOCAR) 31,65% paya malikdir.

Aytac