"AzerGold" tozun qarşısını almaq üçün ekoloji layihə həyata keçirib

 “AzerGold” QSC Göygöl və Daşkəsən rayonlarının kənd ərazilərində tozlanmanın qarşısını almaq məqsədilə “Dustex” adlı təbii tərkibli reagentin səpilməsi ilə bağlı ekoloji təşəbbüs reallaşdırıb.

Layihə ilkin mərhələdə 15 kilometrlik torpaq yolu əhatə edib. Şirkətdən bildirilib ki, bu bioloji parçalanan və yeraltı sular üçün təhlükəsiz maddə xüsusilə quru və küləkli hava şəraitində tozun yayılmasının qarşısını effektiv alır.

Təşəbbüs həm kənd əhalisinin sağlamlığına, həm də ətraf mühitin qorunmasına töhfə verməklə bərabər, su sərfiyyatını da azaldır. Bu addım “AzerGold”un korporativ sosial məsuliyyət və dayanıqlı inkişaf strategiyasına uyğun həyata keçirilib.

N.Təbrizli