KazMunaiGaz və Rosneft Deutschland Almaniyaya neft tədarükünü 2026-cı ilə qədər artıraraq davam etdirəcək

Qazaxıstanın dövlətə məxsus “KazMunaiGaz” (KMG) şirkəti və Almaniyanın “Rosneft Deutschland GmbH” şirkəti Almaniyaya neft ixracı üzrə mövcud müqavilənin müddətini 2026-cı ilin sonunadək uzadıb. Yenilənmiş razılaşmaya əsasən, aylıq tədarük həcmi 100 min tondan 130 min tona qədər artırılacaq, bu da illik təqribən 1,56 milyon ton neft ixracı deməkdir. 

“KazMunaiGaz”ın açıqlamasına görə, ixrac üçün əsas neft Qərbi Qazaxıstan vilayətində yerləşən Karachaganak yatağından hasil olunacaq. Şirkət əlavə edib ki, 2024-cü ildən etibarən ixrac olunan neftin bir hissəsi Xəzər dənizindəki Kaşaqan yatağından, 2025-ci ildən isə Tengiz yatağından təmin ediləcək.

Müqavilənin uzadılması barədə qərar “KazMunaiGaz” prezidenti Asxat Xasenov və “Rosneft Deutschland” rəhbəri Yohannes Bremer arasında keçirilən danışıqlardan sonra qəbul olunub.

Tərəflər Avropa enerji bazarında strateji əməkdaşlığın davam etdirilməsində qarşılıqlı maraqlarını təsdiqləyiblər.

Qazaxıstan neftinin Almaniyanın Schwedt neft emalı zavoduna tədarükü 2023-cü ildən bəri davam edir. Tədarüklər Drujba kəməri vasitəsilə Rusiya, Belarus və Polşa ərazisindən keçməklə həyata keçirilir.

Rəsmi məlumatlara əsasən, 2025-ci ilin yanvar-sentyabr aylarında bu zavoda təxminən 1,5 milyon ton Qazaxıstan nefti ixrac olunub.

Gülnar