Qlobal dalğalanmalara baxmayaraq, iqtisadiyyatın dayanıqlığı qorunur - Nazir müavini

Dünyada müşahidə olunan qlobal iqtisadi dalğalanmalar və neft-qaz sektorunda mümkün azalmalar fonunda Azərbaycan əsas diqqətini iqtisadiyyatın dayanıqlığının qorunmasına yönəldib. Bunu iqtisadiyyat nazirinin müavini Sahib Ələkbərov 2026-ci ilin büdcə layihəsinə münasibət bildirərkən deyib. 

Onun sözlərinə görə, son illərdə bu istiqamətdə müəyyən nəticələr əldə olunub, lakin hədəflənən yüksək göstəricilərə çatmaq üçün əlavə səylər göstərilməlidir.

“İqtisadi sabitliyin saxlanılması və qeyri-neft sektorunun inkişafı üçün çalışırıq. Yüksək templər olmasa da, gələcək üçün bütün imkanlardan istifadə etməyə çalışırıq,” –  Ələkbərov vurğulayıb.

2025-ci ilin ilk 9 ayında Azərbaycanın ÜDM artımı 3,2 faiz təşkil edib, qeyri-neft sektoru isə 5 faizdən çox böyüyüb. 

Gülnar Nazimqızı