SOCAR-ın mənfəəti artıb

Azərbaycan Dövlət Neft Şirkəti (SOCAR) bu ilin yanvar-iyun dövründə 1,761 milyard manat xalis mənfəət əldə edib ki, bu da ötən ilin eyni dövrü ilə müqayisədə 14% çoxdur. Bu barədə SOCAR məlumat yayıb. 

Şirkətin vergiyəqədərki mənfəəti 2,373 milyard manat (18,35% artım), mənfəət vergisi ödəmələri isə 612 milyon manat (33,05% artım) təşkil edib. Satış gəlirləri 5,7% azalaraq 42,5 milyard manat, satışın maya dəyəri isə 12,6% azalaraq 36,127 milyard manat olub. Nəticədə kommersiya qurumunun ümumi mənfəəti 71,9% artaraq 6,373 milyard manata yüksəlib.

SOCAR-ın aktivləri 1 iyul 2025-ci il tarixinə 96,47 milyard manat təşkil edib, öhdəlikləri 47,144 milyard manat, balans kapitalı isə 49,326 milyard manat olub. Şirkət 100% dövlətə məxsusdur və əsas fəaliyyəti neft, qaz və qaz kondensatlarının hasilatı, emalı və satışını əhatə edir.

Aytac