Ölkədə araq istehsalı azalıb - Rəsmi

2025-ci ilin on ayında Azərbaycan tütün və qida sənayesi məhsullarının istehsalında artım qeydə alınıb, içki istehsalı isə azalıb. Bu barədə Dövlət Statistika Komitəsindən bildirilib. 

2024-cü ilin eyni dövrü ilə müqayisədə tütün məmulatlarının istehsalı 13,2 faiz, qida məhsulları istehsalı 9,8 faiz artıb. İçki istehsalı isə 1,6 faiz azalıb.

Əsas məhsullardan makaron məmulatlarının istehsalı 2,5 dəfə, şəkər və qənd istehsalı 24,4 faiz artıb. Meyvə-tərəvəz konservləri istehsalı 1,8 faiz yüksəlsə də, araq istehsalı 5,1 faiz azalıb.

Bu məlumatlar ölkədə ərzaq və tütün sənayesində ümumi artım tendensiyasını göstərir, içki istehsalında isə kiçik azalma müşahidə olunub.

Gülnar