Qızılın qiyməti dolların möhkəmlənməsi və FRS-in faiz gözləntiləri fonunda ucuzlaşıb

 Bazar ertəsi qlobal bazarlarda qızılın qiyməti ABŞ dollarının möhkəmlənməsi və istiqraz gəlirliliyinin stabilləşməsi fonunda geriləyib. Spot qızılın qiyməti 0,4% azalaraq bir unsiya üçün 2642,15 dollar təşkil edib.

Qiymətlərdəki bu eniş investorların ABŞ Federal Ehtiyat Sisteminin (FRS) 2026-cı il üçün faiz dərəcələrini azaltma tempinə dair gözləntilərini yenidən nəzərdən keçirməsi ilə bağlıdır.

Buna baxmayaraq, Latın Amerikası və Yaxın Şərqdə davam edən geosiyasi gərginlik qızılı "təhlükəsiz liman" aktivi kimi gündəmdə saxlayır.

Analitiklər bildirirlər ki, qısa müddətli qiymət azalmasına baxmayaraq, mərkəzi bankların qızıla olan tələbatı qiymətlərin kəskin düşməsinin qarşısını alan əsas amildir.

N.Təbrizli