Suriya ABŞ sanksiyalarının ləğvi müqabilində Rusiya neftinin idxalını azaltmağa razılaşıb

Suriya ABŞ sanksiyalarının ləğvi ilə bağlı aparılan danışıqlar çərçivəsində Rusiya neftinin idxalını əhəmiyyətli dərəcədə azaltmağa razılıq verib. Bu barədə məlumatlı mənbələrə istinadən Reuters agentliyi xəbər verir.

Məlumata görə, bu məsələ Suriya və ABŞ nümayəndələri arasında Dəməşqin terrorizmin sponsoru olan dövlətlər siyahısından çıxarılması ehtimalına həsr olunmuş təmaslar zamanı müzakirə edilib.

Agentliyin həmsöhbətlərinin sözlərinə görə, Vaşinqton nümayəndələri Rusiya nefti tədarükünün azaldılmasının bu statusun tez və maneəsiz ləğvi şanslarını artıracağını bildiriblər.

Eyni zamanda mənbələrdən biri qeyd edib ki, Suriyanın Rusiya neftindən asılılığı siyasi seçimdən deyil, alternativlərin olmamasından irəli gəlir.

Onun sözlərinə görə, Dəməşq enerjiresurslarının tədarükünü diversifikasiya etmək imkanı qazanmaq üçün ilk növbədə sanksiya rejiminin yumşaldılmasına ümid edir.