“Unibank” depozitlər üzrə faizləri artırıb

Bundan sonra "Unibank”a depozit yatıran müştərilər daha yüksək faizlər əldə edəcəklər.
 
Buna səbəb bankın "Müddətli” əmanət növü üzrə ABŞ dolları ilə qoyulan əmanətlər üçün faiz dərəcəsini artırmasıdır.
 
Dəyişikliyə əsasən, vətəndaşlar bu əmanət növü üzrə 1-3 il müddətinə dollarla olan depozitlərini illik 10-14%-lə yerləşdirə biləcəklər. Əvvəlki şərtlərlə müqayisədə "Müddətli” əmanət növü üzrə faizlər 1,5%-dək yüksəlib.
 
Hazırda "Unibank”da "Müddətli”, "Proqressiv” və "Yığım” növü olan əmanətlər mövcuddur. "Müddətli” depozitinin şərtlərinə əsasən 36 ay müddətə və 14%-dək ən azı 500 manat/dollar/avro həcmində vəsait yerləşdirib aylıq və ya müddətin sonunda faizləri əldə etmək mümkündür. Eyni zamanda müştərilərə aylıq faizləri banka gəlmədən əldə etmək üçün məbləğdən asılı olaraq  pulsuz Visa və ya Mastercard kartları təqdim olunur. Müştəri əmanətinin sığortalanmasını istəyərsə, "Müddətli” əmanət növü üzrə illik gəlirliliyi 9% olan əmanət qoyuluşu həyata keçirə bilər. "Proqressiv” depozitinin şərtlərinə əsasən müştəri əmanəti istənilən vaxtda götürərək, bu dövr üçün vəsaitləri üzrə qüvvədə olan dərəcəyə uyğun hesablanan faizləri əldə edə bilər. Bu depozit növü üzrə müddət 12 ay, minimal məbləğ 200 manat/dollar/avro-dur. Minimum məbləğ 50 manat/dollar/avro olan "Yığım” depozitinin şərtlərinə uyğun olaraq, müştəri əmanətini hər ay artırmaqla (minimum 10 manat) 2% əlavə bonus əldə edə bilər.
 
Qeyd edək ki, "Unibank” əmanət sahibinə depozitinin 90%-i həcmində əmanət təminatlı kredit də verir. Ətraflı məlumatı (012) 117 nömrəli telefondan, bankın saytından (www.unibank.az)  və yaxud Facebook səhifəsində www.facebook.com/unibank.az)  əldə etmək olar.

ANN.Az