Təbii ki, hazırlıqlar sırasında olimpiya oyunlarına qədər informasiya yayımının rəsmi mərkəzi olan xəbər saytının yaranması idi. Artıq bir neçə aydır ki, www.baku2015.com fəaliyyətdədir. Həmin sayta daxil olub imkanları ilə tanış olduq. 

İki dildə ( Azərbaycan və ingilis) fəaliyyət göstərən sayt altı bölmədən ibarətdir. 

“Avropa oyunları” bölməsi üç yarım bölmədən (idman, təşkilat, iştirakçılar) ibarət olmaqla, I Yay Avropa Oyunlarına qatılacaq iştirakçılar, dövlətlər, idmançıların sayı və hansı idman növlərinin təmsil olunacağı ilə bağlı oxucuları məlumatlandırır. 

“Sahələr” adlı bölmə oxucuları yarışların keçiriləcəyi məkanlar barədə məlumatlandırır. “Kənd hissəsi”, “Şəhər hissəsi”, “Dövlət bayrağı meydanı ərazisi” və “10 km-lik məsafədə yerlər” keçidlərində bütün idman növlərinin keçiriləcəyi yerlər qeyd olunub.

“Azərbaycan” bölməsində ölkəmiz haqqında qısa məlumat verilir. Bundan başqa ölkəmizdə idmanın inkişafı və bu günə kimi keçirilmiş mötəbər idman yarışları qeyd olunur.

“Bakı ilə tanış ol” bölməsində şəhərin keçmişi, onun əhalisi və ümumiyyətlə şəhər həyatı haqqında oxucular bilgiləndirilir.

“Mətbuat mərkəzi” bölməsi vasitəsilə I Yay Avropa Oyunlarının Bakıda keçiriləcəyinin müəyyənləşdiyi gündən bu günə kimi bütün informasiya təminatı həyata keçirilir. Onu da nəzərə çatdıraq ki, həmin bölmə yarış günləri də operativ informasiya təminatını həyata keçirəcək.

“Bizə qoşulun” bölməsi “Biz kimik” və “Biz nə edirik” başlığı ilə təqdim olunmuş iki kateqoriyadan ibarətdir. Həmin kateqoriyalarda Bakı Avropa Oyunları Əməliyyat Komitəsi haqqında məlumat verilir, gələcək potensial təqdim olunur və müxtəlif qurumlara partnyorluğa qoşulmaqla bağlı çağırış edilir.

Bundan başqa saytda bütün sosial şəbəkələrin plaginləri yerləşdirilmiş və paylaşımlar həmin şəbəkələrdə də həyata keçirilir. Aşağı hissədə isə ölkə başçısının, birinci xanımın və ayrı-ayrı rəsmi qurumların bannerləri yerləşdirilib.