Millət vəkili: "Bu məmurlar vəzifədən gedəcək"

"Azərbaycan bundan sonra da öz inkişaf yolunu uğurla davam etdirəcək".

Anews.az x'b'r verir ki, bu sözləri axar.az-a açıqlamasında Milli Məclisin Hüquq siyasəti və dövlət quruculuğu komitəsinin sədr müavini Rövşən Rzayev deyib. Millət vəkili bildirib ki, bu gün ölkədə mövcud olan bəzi problemlər seçkidən sonra mütləq həllini tapacaq:

"Azərbaycan bundan sonra da öz inkişaf yolunu uğurla davam etdirəcək. Bu inkişaf yolunda bir sıra mühüm uğurlu layihələr həyata keçirilir. Məhz bu layihələrin hesabına Azərbaycanın görəcəyi daha uğrulu işlər hələ qabaqdadır. Bütün bunlar isə mövcud olan problemlərin həllində əsas rol oynayacaq. Ən vacib məsələlərdən biri isə kifayət qədər uğurlu fəaliyyət aparmayan məmurlarla bağlı olacaq. Elə məmurlar var ki, onlar öz şəxsi işlərini dövlətdən və xalqdan daha üstün tuturlar. Hesab edirəm ki, bu kimi halların qarşısı alınmalıdır. Bütün məmurlar Prezidentin tələbinə uyğun olaraq mövcud problemlərin həlli istiqamətində öz bacarıqlarını ortaya qoymalıdırlar. Əks təqdirdə onlarla bağlı ciddi ölçülər götürüləcək. Bu, bu gün qarşıda duran ən önəmli və vacib məsələlərdən biridir. Bir sözlə, Azərbaycan uğurlu inkişafının davamı üçün bütün lazımı addımlar atılacaq”.